Suiaassuseq, ukioqqortussuseq aamma inuttut inissisimaneq
Takussutissiaq 2. Innuttaasut suiaassusiinut agguataarlugit
|
1980 |
1985 |
1990 |
1995 |
2000 |
2005 |
2010 |
2012 |
Katillugit |
49.785 |
52.955 |
55.567 |
55.732 |
56.110 |
56.972 |
56.452 |
56.749 |
Angutit |
27.028 |
28.778 |
30.063 |
29.706 |
29.982 |
30.322 |
29.936 |
30.041 |
Arnat |
22.757 |
24.177 |
25.504 |
26.026 |
26.128 |
26.650 |
26.516 |
26.708 |
|
procent |
|||||||
Angutit |
54,3 |
54,3 |
54,1 |
53,3 |
53,4 |
53,2 |
53,0 |
52,9 |
Arnat |
45,7 |
45,7 |
45,9 |
46,7 |
46,6 |
46,8 |
47,0 |
47,1 |
Najoqqutaq: Naatsorsueqqissaartarfik http://bank.stat.gl/benst1
Kalaallit Nunaanni angutit arnanit amerlanerupput, innuttaasummi 53 procentii angutaapput. Nalinginnaasumik sulisinnaasuni angutit amerlanerupput. Utoqqalisunili (70-it sinnerlugit ukiulinni) arnat amerlanerupput.
Innuttaasuni nalinginnaasumik angutit amerlanerunerannut pingaarnertut pissutaavoq, angutit Kalaallit Nunaata avataani inunngorsimasut amerlaneruneri. Taakku amerlanerpaatigut Kalaallit Nunaannut suliartorlutik nunasittarput, Kalaallit Nunaannut nunasittartut angutit arnanit marloriaammik amerlanerupput.
Kalaallit Nunaanni innuttaasut agguaqatigiissillugit Danmarkimi najugaqartunit inuusunnerupput.
Innuttaasunit 7 procentiinnat 65-it sinnerlugit ukioqarput 80-ileereersimasullu 1 pct. ataateqqavaat.
Inuit ukiumikku sulinissamik piukkunnassuseqartut tassaapput utoqqarnut meeqqanullu pilersuinissamik akisussaasut. Pilersuinissamik akisussasut inuiaqatigiit aningaasaqarnerannut pingaaruteqarput, taakkuuppummi akileraartarnermikkut meeqqanik utoqqarnillu pilersuinermut akiliisartut. Pilersuinissamik akisussaasut ineriartornerat taamaattumik akileraarutinut aamma pisortani kiffartuussinerup qaffasinneranut sunniuteqartarput.
Sulisinnaassuseqartut ukiui 20-niit – 64-nut ukiulinnut inissikkutsigit, taava 1. januar 2012-miit pilersuisussaatitaasut nammatassaat 0,59-mut naatsorsorneqassaaq. Tassa sulisinnaassuseqartut 100-iugaangata inuit 59-it pilersorneqartussaasarput. Ukioq 1979-mi pilersuinissamik akisussaasut 0,89-imiissimavoq, tassa pilersuinissamik akisussaassuseqarneq ullumikkornit annertunerusimavoq, kisiannili 1990-ikkut qiteqqunneriniit pilersuinissamik akisussaasut 100-iugaangata 65-it pilersorneqartussaasarsimapput.
Tamanna nunarsuup inuinut tamarmiusunut agguaqatigiissillugu naapertuuppoq.
(takujuk 2011 World Population Data Sheet Population Reference Bureau - www.prb.org)
Titartagaq 1
1980-mit 2012-mut inuit katissimanngitsut, Kalaallit Nunaanni inuusut ukioqqortussutsimut, suiaassutsimullu immikkoortiterlugit
Najoqqutaq: Naatsorsueqqissaartarfik, http://bank.stat.gl/benst5
Titartagaq 1-mi takuneqarsinnaavoq ukiuni kingullerni 30-ini katinnani inuunissaq nalinginnaanerulersimasoq. Aammattaaq takuneqarsinnaavoq angutit Kalaallit Nunaanni inunngorsimasut arnanut Kalaallit Nunaanni inunngorsimasunit ikinnerusut katittarsimasut.